लसणाची एक पाकळी खा आणि रात्रभर चक्क… दिवसेंदिवस बदलती लाईफस्टाईल आणि धकाधकीच्या शहरी जीवनामुळे माणसाच्या आयुष्यात अनेक समस्या वाढतात. अशीचं एक समस्या आहे अनिद्रा किंवा रात्री झोप न येणे.
आपल्या सर्वांना माहिती आहे की, रोज कमीत कमी सात ते आठ तासाची झोप प्रत्येक व्यक्तीने घ्यायलाचं हवी. हे माणसाच्या आरोग्यासाठी खूप गरजेचे आहे. परंतु अनेकांना रात्री लवकर झोपचं लागत नाही किंवा झोप लागल्यावर पुन्हा पुन्हा झोप उघडते. यामुळे आरोग्याच्या अनेक समस्यांना तोंड द्यावं लागतं.
लसणाची एक पाकळी खा आणि रात्रभर चक्क…
रात्री चांगली झोप यावी, यासाठी अनेक लोक विविध उपाय करून पाहतात. परंतु सध्या सोशल मीडियावर एक व्हिडिओ खूप व्हायरल होतोय, जेथे सांगितलं जातंय की, जर तुम्ही सलग 21 दिवस रात्री झोपताना एक लसणाची पाकळी खाल्ली, तर तुम्हाला खूप चांगली झोप येईल आणि झोप न येणे यासारख्या समस्यांपासून सुटका मिळेल.
मग लसणाची पाकळी खाण्याचे खरंच काय फायदे आहेत ? लसुण खाणं खरचं आपल्या शरीरासाठी फायदेशीर आहे की नाही ? त्याचे काही साईड इफेक्ट्स आहेत का ? आपण त्याबद्दल जाणून घेऊया.
आपण भारतीय जेवणात लसणाचा मोठ्या प्रमाणात वापर करतो. लसणाचे आरोग्यासाठी खूप फायदे आहेत, हे तर आपल्या सर्वांना माहिती आहे. लसणात एलिसीन नावाचा एक घटक असतो. जो इम्युनिटी सिस्टीम स्ट्रॉंग करतो आणि तुम्हाला अनेक आजारांपासून वाचवतो.
या भाज्या खाऊन तुम्ही करू शकता कमी
लसणात असे काही अँटीऑक्सिडेंट असतात, जे तुमचं ब्लड प्रेशर नॉर्मल ठेवतात आणि हृदया संबंधित अनेक आजारांपासूनही वाचवतात. अँटिऑक्सिडेंट असलेल्या वस्तू खाल्ल्याने शरीराची वय वाढण्याचं जी गती आहे, ती कमी होते. म्हणजेचं लसूण तुम्हाला तरुण ठेवण्यासही मदत करतं आणि तुमचं आयुष्य वाढवू शकतं.
परंतु आपल्या मराठीत जशी म्हण आहे की, अति तेथे माती. त्यामुळे कोणतीही गोष्ट प्रमाणात करायला हवी. जास्त लसूण खाल्ल्याने मळमळ होणे, गॅस होणे यांसारख्या गोष्टीही घडू शकतात. त्यामुळे सुरुवातीला लसणाची एखादी पाकळी खाणं हेच फायदेशीर.
तसंच ज्या लोकांना विविध औषधे सुरू आहेत. त्यांनी डॉक्टरांचा सल्ला घेऊनचं लसूण खायला हवं आणि ज्या लोकांना कच्चा लसूण खायला नाही आवडत, त्यांनी आपल्या जेवणात लसणाचा वापर करायला काही हरकत नाही.
अशाचं नवीन नवीन माहितीसाठी आमचे इतर लेखही नक्कीचं वाचा.
खूप खूप धन्यवाद !
